Fjölskyldufræðingafélag Íslands hefur óskað eftir fundi með heilbrigðisráðherra. Það er gleðilegt að segja frá því að aðstoðarmaður ráðherra hefur þegar móttekið erindið og stefnt er að fundi þegar nær dregur hausti. 

Á alþjóðlegum degi fjölskyldunnar hélt Fjölskyldufræðingafélag Íslands morgunverðarfund í safnaðarheimili Langholtskirkju. Á fundinum mátti greina þann fjölbreytta hóp fjölskyldufræðinga og störf þeirra. Erindin fjölluðu um mjög víðtæka þjónustu sem fagaðilar innan hópsins sinna. Fjölskyldufræðingar veita fjölskyldum hjálp í margvíslegum aðstæðum.

Félagið er að taka í notkun nýtt Lógó sem á að vera táknrænt fyrir starfið. Lógóið á að sýna og tákna fjölskyldutré og stjörnurnar eru lífið sem við höldum utan um með starfi okkar.

Framhaldsaðalfundur Fjölskyldufræðingafélags Íslands - fagfólks í fjölskyldumeðferð fór fram 2. nóvember sl. Megin tilgangur þess fundar var umræða og atkvæðagreiðsla um þær lagabreytingar sem lágu fyrir. Góð og gagnleg umræða skapaðist og greinilegur hugur var í fundarmönnum um að þétta raðir fjölskyldufræðinga og sækja fram hvað varðar okkar störf og þá þjónustu sem við veitum. Nýtt nafn á félaginu er Fjölskyldufræðingafélag Íslands - fagfólks í fjölskyldumeðferð og ný lög félagsins er hægt að finna hér